alfa carcare delivery فكره جديده ومشروع جديد وشباب زي الورد.....

نزلت الصبح وركبت عربيتي وقبل ما ادور لقيت في ظرف موجود علي المساحات بتاعت العربيه مطبوع عليه من بره ارقام تليفونات واسم alfa carcare delivery فتحته لقيت فيه ورقتين اعلان خلاصه اللي مكتوب فيهم ليه تروح مغسله وتنتظر دورك او تتغسل العربيه بشكل مش يرضيك انما ممكن تتصل بينا ونجيلك بعربيه مجهزه نغسلك عربيتك اودام بيتك او اي مكان تختاره بنفسك...ولقيت في ضهر الاعلان برامج الغسيل واللي فجئتني ان اسعارها زي المغاسل ويمكن ارخص وعندهم برامج الغسل العادي لحد الكار الكير الكامل......بصراحه كلامهم لعب في دماغي وقررت اتصل بيهم ...لما اتصلت بيهم رد عليا شاب ورد عاليا بمنتهي الذوق وحددت معاه ميعاد ..وفي الميعاد بالظبط لقيت العربيه وصلت نوعها ماتريكس ونزل منها 3 شباب شكلهم جامعيين وقبلتهم وقولتهم علي انا عاوزه في العربيه بعدها اعطو لي كيس بلاستيك عشان اخد متعلقاتي وبدئو الشغل واخدو في عربيتي حوالي ساعه لاني قولت اجربهم في برنامج الغسيل العادي الاول ولو عجبوني هجرب معاهم الكاركير الكامل بعد ما خلصو شغل نزلت من البيت استلم العربيه بصراحه تحفه والناس عرفه بتعمل ايه مش مايه وصابون واحدف بعد كدا حسبتهم حاولت اديهم بقشيش رفضو بشده وادوني ورقه مكتوب عليها استطلاع راي والراي في الخدمه واي شكاوي ...
ولما سئلتهم انتم في كليات قالولي اه في سياحه وفنادق بصراحه فرحت ان في شباب مجتهد كدا وانشاء الله ربنا هيكرمهم
علي فكره
فكره مشروعهم جديده وطموحه ايه رايكم ياشباب نايل موتورز في المشروع ده......؟

raw3a

awl 7aga el mashro3 gamiiiill

tani 7aga el shbab 7lwa

ya3ni mogtahdin w da ahm she2

isa ba3d mal mashro3 ykbar mait3'irosh w yhmlo el nas

isa ynga7 el mashro3

hia di el nas el 3iza tsht3'al msh eli 2a3d f bthom w y2olk mafish sho3'l

تصدق فكره كويسه من ناحيتين

1- ان فعلا الواحد بيكسل يروح البنزينة و كمان بيبقى خايف الناس اللى هناك يبقوا مش بيبقى عندهم الخبره الكافية .
2- الفكره فى حد ذاتها حلوه و هتشتغل كويس معاهم ان شاء الله بدل قعاد القهاوى و التسكع فى الطرقات .

ربنا يوفقهم و يا ريت ارقام تليفوناتهم

كلامك مظبوط وده اللي شجعني اني اجربهم وبصراحه مندمتش
واتمني يستمرو كدا علي طول نفس الضمير والمعامله ودي كان كلامي معاهم

أنا شايف ان أقل تحية للناس دى أن احنا نحاول ننشر أرقام تليفوناتهم بيننا و نوسع مشروعهم (بعد اذن الادارة)

شكرا علي الموضوع .مشروع رائع وفعلا شباب بيفهم وعايز يعمل حاجة .ممكن تكتب لنا ارقام التليفونات وهل ممكن يروحو 6 اكتوبر

اقتباس:

---

المشاركة الأصلية كتبت بواسطة BLACKVERNA

تصدق فكره كويسه من ناحيتين

1- ان فعلا الواحد بيكسل يروح البنزينة و كمان بيبقى خايف الناس اللى هناك يبقوا مش بيبقى عندهم الخبره الكافية .
2- الفكره فى حد ذاتها حلوه و هتشتغل كويس معاهم ان شاء الله بدل قعاد القهاوى و التسكع فى الطرقات .

ربنا يوفقهم و يا ريت ارقام تليفوناتهم

---

هما من الاسماعيليه وعاملين المشروع ده في الاسماعيليه بس علي ما اعتقد عموما ارقام تليفوناتهم
0173800511
0173800522

شكرا لكل من شارك في الموضوع هما فعلا يستحقو اكتر من كدا لانهم مش عاوزين يقفو عاجزين اودام البطاله او يدو فرصه لشبح العطاله ان يقرب منهم
عموما يجماعه ارقامهم:
0173800511
0173800522
0191818020
alfa carcare delivery
بس المشكله انهم من الاسماعيليه يعي مشروعهم داخل مدينه الاسماعيليه بس علي مااعتقد عموموا بردو هسئلهم وهبلغم تشجيع شباب نايل موتورز ليهم

فكرة مبتكرة جميلة و تصرف إيجابي..
ربنا يباركلهم

فعلا ربنا يوفقهم الناس دي بتحاول تشتغل كويس و حاجه كويسه بردوا انهم رفضوا البقشيش دا طليل علي انهم ناس محترمه
كنت ليسه حسال حضرتك فين الموضوع ده لقيتك بتقول في الاسماعليه بعيد اوي يعني المهم ربنا يوفقهم

رغم اني اهلوي بس الشباب دول رجالة

* الف تحية وتقدير لكل شاب يفكر ويبتكر في تقديم خدمة مميزة تكون مصدراً للرزق الحلال له ولزملائه .
* يا ريت الفكرة دي تتطبق في محافظات أخري .

مصر مليانة شباب زي كدة بس محبط
تحية لإيجابية الرجالة دي .. هو ده الفكر المحترم
و إن شاء الله يبقوا شركة كبيرة و يغطوا محافظات مصر كلها

أي مشروع مش عايز أكتر من كدة
(فكرة جديدة - معاملة مميزة للعميل - إحترافية في الشغل نفسه - تبقي عارف هتدفع كام بالضبط و عجبني إنهم مرضيوش ياخدوا البقشيش)

بجد فكره رائعه

وان شاء الله المشروع ده ينجح وينتشر فى محافظات مصر كلها

وده مثال حى ان لسه فى شباب يعتمد عليه فى مصر

فكرة رائعة للغاية

أنا أخدت أرقامهم و هأبقى أجربهم قريب

بصراحه شباب رجاله و بيفكرو صح
و ربنا يوفقهم ان شاء الله فى عملهم

و معاهم أجهزة بيغسلوا بيها؟
يعنى مجهزين؟

انا زيكم بالظبط فرحت بيهم جدا ودي اللي خلاني اكتب عنهم النهارده وبصراحه فرحان اكتر بردودكم ومشاركتم .
هما فعلا جايين بعربيه مجهزه .لو تحبو تعرفو كل حاجه عنهم بالظبط يعني عربيتهم -التجهيز -طريقه عملهم -وبرامج الغسيل واسعارها ؟ انا معنديش مانع

يا ريت فعلا

اقتباس:

---

المشاركة الأصلية كتبت بواسطة aratux

و معاهم أجهزة بيغسلوا بيها؟
يعنى مجهزين؟

---

العربيه اللي معاهم ماتريكس بيطبقو الكراسي اللي ورا ويستغلو المساحه دي في تحميل اجهزتهم وهيا:
(مكنسه كهربائيه كبيره-مكنه غسيل مياه برشاش بها خزان مياه-بلوار كهربائي هواء-صاروخ تلميع و تنظيف للفرش زي مراكز الكار كير-شامبوهات ومنظفات لغسيل السياره بالكامل من جوه ومن بره-كشافات اضائه للعمل ليلا-اسطوانات بها مواد كيميائيه بها رشاشات تستخدم في الغسيل....وبيجو معاهم الميه بتعتهم بعني مش بيحتاجو وصله ميه من العميل
بس كل اللي بيحتاجوه بيوصلو عندك فيشه كهرباء وعندهم سلك طويل به مشترك لاستخدام الاجهزه الكهربائيه بس

فكره جامده ويا خساره طلعوا بعيد أوى

اقتباس:

---

المشاركة الأصلية كتبت بواسطة aratux

يا ريت فعلا

---

بص ياباشا
هما 3 شباب واحد مشرف وده اكبرهم و2 يعملو .بيجو لبسين زي افرولات مكتوب عليها من ورا اسم مشروعهم وانا فوجئت انهم بيلبسو في ايديهم جوانتيات ونظاره سفتي وفوق احذيتهم بيلبسو كيس زي بتاع الدكاتره في غرف العمليات عشان ميدخلوش عربيتك بالجزم بتاعتهم بصراحه حاجه في قمه الشياكه...وانت بتكلمهم في التليفون بتقولهم علي نوع البرنامج اللي انت عاوزه عشان يكون عاملين حسابهم في المودا والعدد اللي هيستخدموها
وتحدد معاهم الميعاد المناسب.
اول لما بيوصلو عندك بيستلمومنك العربيه ويدولك كيس بلاستيك شيك تاخد فيه كل متعلقات وبعد الانتهاء بيسلمولك العربيه ويعرفو ملاحظاتك ورايك في مستوي الخدمه وده كمان بتكتبه علي ورقه استطلاع الراي..وده عشان يعرفو اخطئم ونوع الشكاوي عشان يصلحو من نفسهم .
البرامج اللي هما عملنها:
البرنامج(A):الغسيل العادي..............15 جنيه
البرنامج(B):الغسيل الاسبشيال.........30 جنيه
البرنامج(C):الكار كير الكامل.........80 جنيه
واي سؤال انا تحت امركم

كار كير كامل ب 80 جنيه؟
هنا فى القاهرة من 180 ل 200
ممكن تطلب منهم يفتحوا فرع هنا؟

ما شاء الله

ايه الفرق بين الغسيل العاااااااااادى والأسبشيل والكار كييييييييير معلش حد يوضلحى بالتفصيل

فكره مبتكرة و شباب زاي الورد ... ربنا يوفقهم ... بالاسعار و المعاملة ديه ..الناس ممكن تنزل الأسماعيلية مخصوص ليهم :)

فكرة ممتازة وشباب يفرحو ربنا يوفقهم

بس يا جماعه يا ترى دول معاهم ترخيص بكده كمشروع تجاري وضرايب وخلافه ؟

ولا اسم الفا كار كير ده من دماغهم كده ومع نفسهم ؟؟؟

انا طبعا ماتفرقش معايا بس لو مش معاهم ترخيص يبقى ده كده مخالف في نظر القانون وبيعرضو نفسهم لغلاسة الحكومة ؟

ربنا يبارك ويوسع عليهم طالما مجتهدين

GooD Idea
Rabena Ma3aHom ..

اقتباس:

---

المشاركة الأصلية كتبت بواسطة toteman

ايه الفرق بين الغسيل العاااااااااادى والأسبشيل والكار كييييييييير معلش حد يوضلحى بالتفصيل

---

شكرا لمرورك ومشاركتك
انا جربت معاهم برنامج(A)الغسيل العادي وده عباره عن تنظيف السياره من جوه بالكامل وكمان الشنطه بالمكنسه الكهربائيه من التراب وبيمسحو حميع اجزاء العربيه من الداخل وكمان القوايم والتابلوه تنظيف جاف يعني مش بيستخدمو اي مواد في التنظيف الداخلي وبعد كدا بيغسلو العربيه من بره بالماء ومعاهم صابون خاص لغسيل السيارات وكذلك الكاوتش.وإن شاء الله هجربهم في برنامج الكار كير....
لما سئلتهم عن البرنامج (B) قالولي عباره عن البرنامج (A)بالاضافه الي غسيل التابلوه والكونسول والفتيس والطاره غسيل كيماوي وبعد كدا بيتلمعو تلميع كامل ومن بره بيغسلو الكاوتش والاستبن وبيضيفو عليه مواد ترجع لونه الاسود تاني واخيرا بينضفو الموتور لكن تنظيف جاف
البرنامج (C) الكار الكير الكامل وده غسيل الفرش والارضيات والاسقف والقوائم والتابلوه وفتحات التكيف وتعطير السياره وتلميع الكاوتش والاستبن وتنظيف الموتور جاف....وده بيسموه تنظيف كيماوي كامل

علي فكره انا سئلتهم اشمعني االموتور جاف كان ردهم بانهم غير مدربين علي الموتور ولان المواتير الحديثه كلها حساسات ووحدات كومبيوتر والتعامل معها مش من السهل فحبو ياجلو موضوع الموتور شويه لحد ما يتمكنو منه ودي حاجه انا احترمتهم فيها لانهم مش عاوزين يفتو وخلاص

اي خدمه ياقائد واي سؤال انا تحت امرك:)

اقتباس:

---

المشاركة الأصلية كتبت بواسطة Chicco

فكره مبتكرة و شباب زاي الورد ... ربنا يوفقهم ... بالاسعار و المعاملة ديه ..الناس ممكن تنزل الأسماعيلية مخصوص ليهم :)

---

شكرا لمرورك اخي الكريم انت تشرف اسماعيليه في اي وقت وانا هكون في انتظارك قبل منهم انا اتشرف باستقبال شباب نايل موتورز:)

اقتباس:

---

المشاركة الأصلية كتبت بواسطة Dr_Smart

فكرة ممتازة وشباب يفرحو ربنا يوفقهم

بس يا جماعه يا ترى دول معاهم ترخيص بكده كمشروع تجاري وضرايب وخلافه ؟

ولا اسم الفا كار كير ده من دماغهم كده ومع نفسهم ؟؟؟

انا طبعا ماتفرقش معايا بس لو مش معاهم ترخيص يبقى ده كده مخالف في نظر القانون وبيعرضو نفسهم لغلاسة الحكومة ؟

---

شكرا لمرورك الكريم د.سمارت انا بصراحه معرفش اذا كان معاهم ترخيص ولا لا
بس اللي انا اعرفه ان مشروعهم مقتصر علي العربيه المجهزه وارقام التليفونات بتاعتهم بس يعني مش ليهم مكان ثابت

الف تحية للشباب ده